Armenia Azerbaijan War: ଆରମ୍ଭ ହେଲା ଆଉ ଏକ ଭୀଷଣ ଯୁଦ୍ଧ, ଲଢ଼େଇରେ ପ୍ରାୟ ୫୦ ସୈନ୍ୟ ମୃତ

ନୂଆଦିଲ୍ଲୀ: Armenia Azerbaijan War: ଆଜେରବାଇଜାନ ଓ ଆର୍ମେନିଆ ମଧ୍ୟରେ ପୁଣି ଥରେ ଯୁଦ୍ଧ ଜୋରଦାର ହୋଇଛି । ଆର୍ମେନିଆର ପ୍ରଧାନମନ୍ତ୍ରୀ ମଙ୍ଗଳବାର କହିଛନ୍ତି ଯେ ଆଜେରବାଇଜାନର ଆକ୍ରମଣରେ ୪୯ ଆର୍ମେନିଆ ସୈନିକଙ୍କ ମୃତ୍ୟୁ ଘଟିଛି । ଅନ୍ୟପଟେ ଆଜେରବାଇଜାନ କହିଛି ଯେ, ସେ ଆର୍ମେନିଆର ଆକ୍ରମଣର ଜବାବରେ ପାଲଟା ଆକ୍ରମଣ କରିଛି । ନ୍ୟୁଜ୍ ଏଜେନ୍ସି ଇଣ୍ଟରଫ୍ୟାକ୍ସ ରିପୋର୍ଟ କରିଛି ଯେ, ଆର୍ମେନିଆର ପ୍ରଧାନମନ୍ତ୍ରୀ ନିକୋଲ ପାଶିନିଆନ ସଂସଦରେ କହିଛନ୍ତି ଯେ, ଆଜେରବାଇଜାନ ବାହିନୀ ପ୍ରାୟ ୬ଟି ସ୍ଥାନରେ ଆକ୍ରମଣ କରିଛି । ଏହି ସମୟରେ ଆଜେରବାଇଜାନର ବୈଦେଶିକ ମନ୍ତ୍ରଣାଳୟ ଏକ ବୟାନରେ କହିଛି ଯେ, ଆର୍ମେନିଆ ସୈନ୍ୟବାହିନୀ ଦେଶର ତିନୋଟି ଜିଲ୍ଲାରେ ସେନା ପୋଷ୍ଟ ଉପରେ ଗୁଳି ଚଳାଇଥିଲେ । ଆର୍ମେନିଆ ସୈନ୍ୟମାନେ ଏହି ଅଞ୍ଚଳରେ ଲ୍ୟାଣ୍ଡମାଇନ ଲଗାଇଛନ୍ତି ।  ବହୁ ସଂଖ୍ୟାରେ ଆଜେରବାଇଜାନ ସୈନ୍ୟମାନେ ଆହତ ହୋଇଛନ୍ତି  । ଏହାର ଜୋରଦାର ପାଲଟା ଆକ୍ରମଣ କରାଯାଇଛି ।

ଏଠାରେ କହି ରଖୁଛୁ ଯେ, ବିଗତ ଦିନରେ ଆର୍ମେନିଆ ନାଗୋର୍ଣ୍ଣୋ-କରାବାଖ (Nagorno-Karabakh conflict) ର ବିବାଦୀୟ ଅଞ୍ଚଳରେ ଅନେକ ପାହାଡ ଦଖଲ କରିନେଇଥିଲା । ଆଜେରବାଇଜାନ ଅନୁଯାୟୀ, ଆର୍ମେନିଆ ସୈନିକମାନେ ବିବାଦୀୟ ଅଞ୍ଚଳରେ ସେମାନଙ୍କର ଜଣେ ସୈନିକଙ୍କୁ ହତ୍ୟା କରିବା ପରେ ଉତ୍ତେଜନା ଆରମ୍ଭ ହୋଇଥିଲା । ସେପଟେ ଋଷର ଶାନ୍ତି ରକ୍ଷାକାରୀ ସୈନ୍ୟମାନେ ମଧ୍ୟ ଏହି ଅଞ୍ଚଳରେ ମୁତୟନ ଅଛନ୍ତି ।

ସୂଚନାଯୋଗ୍ୟ, ଏହି ପୂରା ବିବାଦ ନାଗୋର୍ଣ୍ଣୋ-କରାବାଖ (Nagorno-Karabakh conflict)  ଅଞ୍ଚଳକୁ ନେଇ ରହିଛି । ଯାହା ବର୍ତ୍ତମାନ ଆଜେରବାଇଜାନରେ ରହିଛି, କିନ୍ତୁ ବର୍ତ୍ତମାନ ଆର୍ମେନିଆ ସେନା ଦ୍ୱାରା ଦଖଲ କରାଯାଇଛି । ଉଭୟ ଦେଶ ସୋଭିଏତ୍ ୟୁନିଅନ୍ (USSR) ର ଅଂଶ ଥିଲେ, କିନ୍ତୁ ଯେତେବେଳେ ୮୦ ଦଶକର ଶେଷ ଭାଗରେ ୟୁଏସଏସର ପତନ ଆରମ୍ଭ ହେଲା, ସେତେବେଳେ ଦୁଇ ଦେଶ ମଧ୍ୟରେ ବିବାଦ ବଢ଼ିଗଲା । ଏହି ସମଗ୍ର ବିବାଦ ଆର୍ମେନିଆ ଓ ଆଜେରବାଇଜାନର ସୀମାବର୍ତ୍ତୀ ନାଗୋର୍ଣ୍ଣୋ-କରାବାଖ ଅଞ୍ଚଳ ପାଇଁ । ୧୯୯୧ରେ ମଧ୍ୟ ଦୁଇ ଦେଶ ମଧ୍ୟରେ ଯୁଦ୍ଧ ପରିସ୍ଥିତି ସୃଷ୍ଟି ହୋଇଥିଲା ।

ଅଧିକ ପଢ଼ନ୍ତୁ:-୨୦୨୪ରେ ବିରୋଧୀ ଦଳର ପ୍ରଧାନମନ୍ତ୍ରୀ ପ୍ରାର୍ଥୀଙ୍କୁ ନେଇ ଲାଲୁ ଯାଦବଙ୍କ ଆସିଲା ପ୍ରଥମ ପ୍ରତିକ୍ରିୟା, ଜାଣନ୍ତୁ କ'ଣ କହିଲେ

ଅଧିକ ପଢ଼ନ୍ତୁ:-ବାବା ଭେଙ୍ଗାଙ୍କ ଏହି ଭୟଙ୍କର ଭବିଷ୍ୟବାଣୀରୁ ଭୟଭୀତ ସାରା ଦୁନିଆ, ୨୦୨୩ରେ ଘଟିବ ଏପରି କିଛି

ଅଧିକ ପଢ଼ନ୍ତୁ:-ଆମ୍ ଆଦମୀ ପାର୍ଟିର ୨ ବିଧାୟକ ଦୋଷୀ ସାବ୍ୟସ୍ତ, ସେପ୍ଟେମ୍ୱର ୨୧ରେ କୋର୍ଟ ଶୁଣାଇବେ ଦଣ୍ଡ; ଜାଣନ୍ତୁ ପୂରା ମାମଲା

ତିନି ବର୍ଷର ବିବାଦ ପରେ ଋଷ ଏଥିରେ ହସ୍ତକ୍ଷେପ କଲା ଓ ୧୯୯୪ରେ ଅସ୍ତ୍ରବିରତି ଉଲ୍ଲଂଘନ ହେଲା । ବର୍ତ୍ତମାନ, ଏହି ଅଞ୍ଚଳ ଆଜେରବାଇଜାନରେ ପଡୁଛି, କିନ୍ତୁ ଆର୍ମେନିଆର ଅଧିକ ଲୋକ ଅଛନ୍ତି, ତେଣୁ ଆର୍ମେନିଆ ସେନା ଏହାକୁ ଦଖଲ କରିଛି । ପ୍ରାୟ ଚାରି ହଜାର ବର୍ଗ କିଲୋମିଟର ଏହି ସମଗ୍ର ଅଞ୍ଚଳ ପାର୍ବତ୍ୟମୟ, ଯେଉଁଠାରେ ଉତ୍ତେଜନା ପରିସ୍ଥିତି ରହିଥାଏ । ବର୍ତ୍ତମାନର ଉତ୍ତେଜନା ୨୦୧୮ରେ ଆରମ୍ଭ ହୋଇଥିଲା, ଯେତେବେଳେ ଉଭୟ ସେନା ସୀମା ନିକଟବର୍ତ୍ତୀ ଅଞ୍ଚଳରେ ନିଜର ଶକ୍ତି ବୃଦ୍ଧି କରିଥିଲେ । ଆର୍ମେନିଆ ଓ ଆଜେରବାଇଜାନ ହେଉଛି ପଡୋଶୀ ଦେଶ, ଯାହା ଏସିଆ ମହାଦେଶରେ ଆସେ । ଅତୀତରେ ଉଭୟ ସୋଭିଏତ ସଂଘର ଅଂଶ ଥିଲେ ଓ ୟୁରୋପର ଅତି ନିକଟତର । ଭାରତଠାରୁ ପ୍ରାୟ ଚାରି ହଜାର କିଲୋମିଟର ଦୂରରେ ଅବସ୍ଥିତ । ଇରାନ ଓ ତୁର୍କୀ ମଧ୍ୟରେ ଆର୍ମେନିଆ ଓ ଆଜେରବାଇଜାନ ଆସିଥାଏ ।